የኢትዮ- ቻይና የወዳጅነት ትብብር ኮሚቴ ከወላይታ ልማት ማህበር ጋር በተለያዩ ስራዎችን በጋራ ለመሰራት ተፈራርሟል። የወላይታ ዞን ዋና አስተዳዳሪና የልማት ማህበሩ የበላይ ጠበቃ ረዳት ፕሮፌሰር ሳሙኤል ተሰማ ኢትዮጵያና ቻይና ለረጅም ዘመናት የቆየ ግንኙነት ያላቸው ሀገር መሆናቸውን ገልፀዋል። ወላይታ ምቹ የአየር፣ የውሃ አማራጮች፣ ሰፋፊ የለም መሬቶች እና የተማሩ ዜጎች የሚኖሩበት አከባቢ መሆኑንም ገልጸዋል።
የኢትዮ- ቻይና ወዳጅነትና ትብብር ኮሚቴ ከወላይታ ልማት ማህበር በጋር ለመሰራት መስማማቱ ኢትዮጵያና ቻይና ለረጅም ዘመናት የቆየ ትስስርን ይበልጥ የሚያጠናክር መሆኑን ገልጸዋል። በኤሌክትሪክ ቻርጅ የሚሰሩ ከሞተር ሳይክልን ጨምሮ ሌሎች ተሽከሪካሪዎችን እዛ ለመገጣጠም የሚያስችል ሰምምነት ነው ብለዋል። ይህም ለበርካታ ወጣቶች የስራ ዕድል የሚፈጥር፣ ዕውቅትንና ሀብት እንዲሁም ለወላይታ ሶዶ ከተማም ትልቅ ዕድል ይዞ መምጣቱን ገልፀዋል።
ቀጣይ ይህንን ቢዝነስ ለማስፋት እና ለወላይታ ልማት ማህበሩ ያለውን ጋራዥም በጋራ እንደሚጠቀሙና እንደሚሰሩም ገልፀዋል። በወላይታ ኢንቨስትመንት ለማድረግ ምቹ ፀጋዎችና እምቅ አቅሞች መኖራቸውን የገለጹት ዋና አስተዳዳሪው፥ የዞኑ አስተዳደር አስፈላጊውን ድጋፍና ትብብር እንደሚያደርግም አስታውቀዋል። የኢትዮ-ቻይና የወዳጅነትና ትብብር ኮሚቴ ከወላይታ ልማት ማህበር ጋር አብሮ በመስራት የዞኑን የህዝብ ተጠቃሚና ዕድገት ላይ የሚያበረክተው አስተዋጽኦ ከፍተኛ በመሆኑ ልባዊ ምስጋና አቅርበዋል፡፡
የወላይታ ልማት ማህበር ሥራ አስፈጳሚ አቶ አስፋ ናና የኢትዮ- ቻይና የወዳጅነት ትብብር ኮሚቴ ከወላይታ ልማት ማህበር ጋር ለመሰራት ህጋዊነት አሟልቶ መምጣቱን ተናግረዉ በስምምነቱም መሠረት ልማት ማህበሩ ባለዉ አዉቶሞቲቭ ጋራዥ የኤሌክትሪክ ተሽከሪካሪ የመገጣጠም ስራ ይሰራል ብለዋል። የኢትዮ- ቻይና ወዳጅነትና ትብብር ኮሚቴ በወላይታ ዞን ባለፉት ዓመታት ያሉ ፀጋዎችን ተዘዋውረው ከተመለከቱ በኃላ ለመሰራት ፈቃደኛ መሆናቸውንም ገልፀዋል።
